پیا خوئه داغت تا ابد حا د دلمو، شیر دات حلالت، شیر پیا تو نمردیه تو رتیه تِه اربابت آقا ایمام حسین علیه السلام، چَن برار خویی دوست دارم و داشتم.
شهادتت مارِک سردار، عاشق چشیات بی ام همیشه، او چشیا شکتت، گِمو می کردم دنیا ها د مینه چشیات، سیقه چشیات بام برار.هه او طوری گه خوت گوتی مرد میدون جَین وا داعش ایو استکبار جهانی تو بیی، وختی گوتی: «ترامپ قمار باز مرد ای میدو منم، سپاه قدسه، ایما منتظریم ».
حالا ای ترامپ ملعون و آیم کش تونی که مرد ای میدو بیی وا نامردی د بین برد، خدا لعنتش بکه گه چنی فتوا ای جنایتن د.
تو سی ایران و سی مقاومت مالک اشتر بیی، تاریخ ایو پیایا آزاد دنیا هیچ وخت تونه د ویر نمورن، شیر پیایی گه داعشن د بین برد و نابود کرد.
وختی خَوَرِت وم رسس مری پیا عزیز مرده ای بیم، شارمو شیوسه سیت، شونمو کز بیه سیت برار غیرتی.
نونم دَ میا چی و سرمو بیا تا بعضی د ای آیمیا ساده لوح و گیژ آمریکانه دیوشمه حِسو بکن؟!
هر جایی د ای دنیا پیا خویی بیه گه د ری و ری آمریکا ایسائه، وا نامردی د بین بردنشه.
مر گُنه "چه گوآرا" چی بی؟ او هم هه چی حاج قاسم گه د مردم ستم دیه و فقیر خاورمیانه دفاع می کِرد؛ د مردم بدبخت و مظلوم آمریکای جنوبی لادراری می کرد.
شیر دره پنج شیر مرحوم "احمد شاه مسعود" هم وا فتوا و دستور آمریکایی یا جنایتکار کُشِس، دقیقا چن روز مَنی گه طالبان شکس بُوره؛ آمریکایی یا ترورش کِردن اوسه رَتِن د لوس آنجلس یه کی که قهوه خونه داشت (حامد کرازی) اوردن کردنش رئیس جمهور افغانستان؛ هر چن باور دارِم گه ای گپ یا هیچ کومشو انُیشتر کِیلِیک حاج قاسم هم حسو نِمیِین.
برار دیاری نزات مستجاب بی ایو خدا مرگته وا شهادت رقم ز؛ نونم سی چی ذهنم رت وا لا دشت کربلا وختی قاسم بن الحسن علیه السلام د جواو ایمام حسین علیه السلام گَوت: عامو مرده سیمه د حسل شیرین تره (احلی من العسل) دونم مُرده سی تو هم د حسل شیرین تر بیه، تو و آرزو خوت رسسی، ار تو وا مرگ طبیعی می مردی د عدالت و دیر بی.
سالیا مر بگذره که دا دامن پاکی د ای مرز ایو بوم بشینه چی تونی بیاره، هر چن گه اعتقاد دارم ای خاک انشاءالله هیچ وخت بی مختار و 
بی عمار نمیونه.
بی عمار نمیونه.شهادتت مارِک سردارهیچ وخت، هیچ وخت د ویرمو نمیری حاج قاسم کُر دیاری، روحت تون ایو روح ابومهدی المهندس شاد.
اَلسَّلامُ عَلَیْکَ یا اَباعَبْدِاللَّهِ وَ عَلَى الاَرْواحِ الَّتى حَلَّتْ بِفِناَّئِکَ عَلَیْکَ مِنّى سَلامُ اللَّهِ اَبَدا ما بَقیتُ وَ بَقِىَ اللَّیْلُ وَ النَّهارُ وَ لاجَعَلَهُ اللَّهُ آخِرَ الْعَهْدِ مِنّى لِزِیارَتِکُمْ
مصطفی رباطی
این مطلب برای اولین بار در تاریخ1398/10/13 نگارش شده است.
این مطلب برای اولین بار در تاریخ1398/10/13 نگارش شده است.
کلیک کنید
دیدگاه‌ها